Árborg Sumarblaðið 2020

6 | Sumarið í Árborg 2020 Frjálsíþróttaæfingar Umf. Selfoss sumarið 2020 Frjálsíþróttaæfingar verða í sumar með hefðbundnu sniði á glæsilegum frjálsíþróttavelli á Selfossi. Boðið verður upp á æfingar í flokkunum 8 ára og yngri, 9–10 ára, 11–14 ára og 15 ára og eldri. Nánari upplýsingar um æfingartíma og æfingagjöld verða birt í lok maí á heimasíðu Ungmennafélags Selfoss, www.umfs.is , auk þess sem dreifibréf verður borið út í öll hús í Sveitarfélaginu Árborg. Nánari upplýsingar veitir Sigríður Anna Guðjónsdóttir yfirþjálf- ari í síma 892-7052 og á netfanginu frjalsar@umfs.is. Flokkur 7 ára og yngri (fædd 2013-2015) Æfingar 2x í viku í klukkutíma í senn. Meginmarkmið er alhliða hreyfiþjálfun í leikja- formi. Nokkur minni mót þar sem allir fá jöfn tækifæri og allir eru sigurvegara. Flokkur 8–10 ára (fædd 2010–2012) Æfingar 3x í viku í klukkutíma í senn. Meginmarkmið er alhliða hreyfiþjálfun ásamt tækniþjálfun í öllum greinum. Nokkur minni mót þar sem allir fá jöfn tækifæri og allir eru sigurvegarar. Flokkur 11–14 ára (fædd 2006–2009) Æfingar 4x í viku í 90 mín í senn hjá 13-14 ára og 3x í viku í 90mín í senn hjá 11-12 ára. Meginmarkmið er tækni og styrktarþjálfun ásamt leikjum og þol- æfingum. Allir eru velkomnir á æfingar hvort sem þeir vilja keppa eða ekki. Stefnt á fjölda móta, m.a. Unglingalandsmót Íslands, Meistaramót Íslands 11–14 ára, Aldursflokkamót HSK 11–14 ára, ásamt fleiri smærri mótum. Flokkur 15 ára og eldri (fædd 2005 og síðar) Æfingar 4x í viku í 2 klst. í senn. Allir eru velkomnir á æfingar hvort sem þeir vilja keppa eða ekki. Meginmarkmið er afreksþjálfun en allir fá fjölþætta alhliða þjálfun við hæfi hvers og eins. Stefnt á fjölda móta, m.a. Unglingalandsmót UMFÍ, Meistaramót Íslands, Bikar- keppni FRÍ, Héraðsmót og fullt af smærri mótum. Í sumar verður Frjálsíþróttaskóli UMFÍ starfræktur í tólfta sinn á HSK svæðinu. Skólinn verður haldinn á Selfossi dagana 22.-26. júní. Skólinn er ætlaður fyrir börn á aldrinum 11 til 18 ára. Ung- mennin koma saman um miðjan dag á mánudegi og skólanum lýkur um hádegi á föstudegi í sömu viku. Dagskráin er fjölbreytt og skemmtileg, í bland við frjálsíþróttaæfingar er til dæmis farið í sund, ýmis konar leiki s.s. ljósmyndaratleik og hópefli, haldnar kvöldvökur og endar skólinn svo með frjálsíþróttamóti. Þáttökugjald í skólann er 25.000 kr. (20.000 kr. fyrir systkini) en innifalið í því er kennsla, fæði, gisting ofl. Aðalumsjónarmenn með skólanum 2020 líkt og undafarin ár eru Ágústa Tryggvadóttir og Fjóla Signý Hannesdóttir. Einnig munu fleiri þjálfarar og aðstoðarmenn vinna við skólann. Lagt er upp með að fagmennt- aðir kennarar sjái um kennsluna á hverjum stað til að tryggja sem besta kennslu fyrir ungmennin. Í lok námskeiðsins fá öll ungmennin viðurkenningarskjal til staðfestingar um þátttökuna. Skólinn hefur fengið eindæma góð viðbrögð og ungmennin hafa farið sátt heim eftir lærdómsríka, krefjandi en umfram allt skemmtilega viku. Skólinn gegnir mikilvægu hlutverki í að opna augu ungmenna fyrir ágæti íþróttaiðkunar og styðja fjölmargar rannsóknir þá full- yrðingu að ungmenni sem stunda íþróttir leiðast síður út í óreglu síðar á lífsleiðinni. Síðast en ekki síst öðlast ungmennin tækifæri til að kynnast hvert öðru og mynda tengslanet og auka hæfni sína í mannlegum samskiptum. Undafarin ár hefur skólinn oft verið full bókaður en hámarkið er við 60 iðkendur. Því er mikilvægt að tryggja sér snemma pláss í skólanum. Skráning fer fram í gegnum tölvupóst frjalsithrottaskoli@gmail.com. Pósturinn þarf að innihalda eftirfarandi: Nafn, heimilisfang, staður, kennitala (barns), félag (ef barnið er að æfa með félagi), sími, netfang, nafn forráðarmanns, sími forráðarmanns og ofnæmi eða annað sem gott er að vita. Við erum búin að stofna Facebook-hóp, þið getið séð hér (Frjálsíþróttaskóli á Selfossi 2020). Þar getið þið fylgst með skól- anum. Við setjum inn tilkynningar og myndir á hópinn. Ef það eru einhverjar spurningar, ekki hika við að hafa sam- band við okkur. Frjálsíþróttaskóli HSK á Selfossi Unglingalandsmótið er íþrótta- og fjölskylduhátíð sem haldin verður á Selfossi um verslunarmannahelgina 30. júlí – 2. ágúst 2020. Keppt er í fjölda íþróttagreina og geta allir krakkar 11 – 18 ára tekið þátt. Fjölbreytt skemmtidagskrá í boði alla helgina. Frábær kostur fyrir þá sem velja heilbrigt og vímuefnalaust umhverfi samhliða fjölbreyttri íþróttakeppni. Nánari upplýsingar og skráning á www.ulm.is . Unglingalandsmót UMFÍ á Selfossi