Bláhver 2021

6 BLÁHVER JÓLABLAÐ 2021 Njótum fjölbreyttra gönguleiða Einstök náttúra einkennir bæinn okkar. Við mörg hver lærðum í grunnskóla að á Íslandi eru öll stærri bæjarfélög staðsett við sjávar­ síðuna, nema Hella, Hvolsvöllur, Selfoss, Egils­ staðir og Hveragerði. Þegar maður veltir fyrir sér sérstöðu þessara staða sér maður strax að Hveragerði sker sig úr verandi það eina sem kúrir í faðmi fjalla. Sú sérstaða veldur því að hér eru dásamlegar og miskrefjandi göngu­ leiðir þar sem hver og einn ætti að geta fundið eitthvað við sitt hæfi. Búið er að merkja fjölda þeirra og má finna upplýsingar um gönguleiðir á heimasíðu bæjarfélagsins. Full ástæða er til að hvetja okkur öll til að vera dugleg að njóta útivistar á þessum fallegu leiðum. Fræðumst um leið og við göngum Ein gönguleið bæjarins er öllum vel að­ gengileg en hún leiðir okkur á milli söguskilta í miðbænum þar sem gert er grein fyrir mark­ verðum stöðum í bæjarfélaginu. Uppsetning söguskiltanna hófst þegar núverandi meirihluti tók við stjórn bæjarins og hefur staðið óslitið síðan. Það er nefnilega mikilvægt að muna að eitt skilti á ári er fljótt að verða að heilmikilli sýningu. Eftir þeirri stefnu hefur verið unnið og nú eru skiltin orðin 14 talsins. Nýtt skilti verður sett upp á komandi vori og leiðir það okkur aðeins lengra en þau sem þegar eru komin upp. Mun það gera grein fyrir þjóðleiðunum , fornu og nýju, sem liggja hér um Hveragerði en þær eru merkileg heimild um sögu fyrri tíma. Í vor munu göngugarpar geta halað niður QR kóða sem vísar á síðu sem leiðir okkur á milli skiltanna og mun það einfalda okkur að finna þau öll. Eyþór H. Ólafsson Formaður bæjarráðs Við sendum Hvergerðingum öllum hugheilar jóla- og nýárskveðjur með þökk fyrir árið sem er að líða. Hátíðarkveðja, Arnon.