Bókatíðindi 2020

A Gormabók  B Harðspjalda bók  C Hljóðbók  D Innbundin bók  E Kilja  F Rafbók  G Sveigjanleg kápa  I Endurútgáfa B Ó K A T Í Ð I N D I 2 0 2 0 G  ​ Hver ertu og hvað viltu? Leiðarvísir fyrir þá sem vilja komast lengra Ingvar Jónsson Myndir: Jim Ridge Spennandi þroskaferðalag sem dýpkar skilninginn á því hver þú ert í rauninni og hvernig þú getur breytt því sem þú vilt breyta í eigin fari. Einstæð leið til að hjálpa þér að finna hugrekki til að standa með þér sjálfum og stefna þangað sem hugur þinn stendur til. Og allt er útskýrt á mannamáli og hið flókna gert einfalt. 208 bls. Forlagið – Vaka-Helgafell G  ​ Hvílíkt torf – tóm steypa Úr torfbæjum í steypuhús. Sýnisbók íslenskrar alþýðumenningar 26 Hjörleifur Stefánsson Bókin fjallar um þá byltingu í húsagerð sem varð þegar steinsteypa tók við af torfinu. Árið 1900 var efnt til mikillar rannsóknar sem átti að leiða til niðurstöðu um hvernig byggja ætti til framtíðar. Upplýsingum var safnað en þær voru aldrei nýttar. Hér eru frumheimildirnar birtar ásamt umfjöllun höfundar um þetta stórmerkilega efni. 300 bls. Háskólaútgáfan D  ​ Hæstiréttur í hundrað ár Ritgerðir Ritn.: Þorgeir Örlygsson o.fl . Í ár er liðin öld frá því að Hæstiréttur Íslands tók til starfa árið 1920. Í riti þessu sem hefur að geyma 18 ritgerðir eftir 22 höfunda er fjallað um valda málaflokka og réttarsvið sem hafa verið til umfjöllunar á þeim hundrað árum sem liðin eru frá stofnun réttarins og hann hefur komið að því að móta. 556 bls. Hið íslenska bókmenntafélag  ​ Í augnhæð Hversdagshugleiðingar Guðrún Karls Helgudóttir 52 hugleiðingar fyrir konur og karla sem tengjast hversdagsglímu nútímamanneskjunnar við spurningar lífsins. Þær fjalla um vanmátt, efa og veikleika manneskjunnar, frelsi og möguleika á að taka stjórn á aðstæðum sínum. Um hugrekki, gleði og fegurð. Þeim er ætlað að hvetja og róa, gleðja og hugga. Askja með 52 örhugleiðingum kemur einnig út í þessari útgáfu. 120 bls. Skálholtsútgáfan – Kirkjuhúsið D  ​ Í fjarska norðursins Ísland og Grænland – viðhorfasaga í þúsund ár Sumarliði R. Ísleifsson Í fjarska norðursins er saga viðhorfa til Íslands og Grænlands frá miðöldum til samtímans. Báðar hafa þessar þjóðir verið framandi í augum annarra. Lengi voru ímyndir þeirra svipaðar en margt hefur líka greint á milli. Hér er leitað svara við því hvers vegna íbúum þessara landa hefur ýmist verið lýst sem verstu villimönnum eða fyrirmyndarfólki. 381 bls. Sögufélag D  ​ Hjarta Íslands Frá Eldey til Eyjafjarðar Gunnsteinn Ólafsson og Páll Stefánsson Hér er fjallað um einstakar perlur í landinu milli fjalls og fjöru frá Suðvesturlandi til Norðvesturlands. Texti Gunnsteins er í senn aðgengilegur, lipur og fróðlegur og myndir Páls sérlega glæsilegar. Hér er á ferðinni stórvirki sem óhætt er að kalla óð til Íslands. 200 bls. Veröld E ​ F  ​ Hugleiðingar um landfræðileg upplýsingamál Fjarkönnunargögn og skipulag landupplýsinga Kortagögn og málefni kortasafna Þorvaldur Bragason Í þessum tveimur bókum eru 123 pistlar um kort, loftmyndir og gervitunglagögn, heildstæðustu heimildirnar um breytingar á yfirborði landsins. Pistlarnir hafa birst á landakort.is, en eru hér efnisflokkaðir með inngangsköflum og heimildaskrám. Fjallað er m.a. um stöðu landupplýsinga, gagnaöryggi, varðveislu og aðgengi á netinu. 356 bls. emma.is G  ​ Hugmyndaheimur Páls Briem Ritstj.: Ragnheiður Kristjánsdóttir og Sverrir Jakobsson Páll Briem var einn áhrifamesti stjórnmálamaður sinnar samtíðar og vildi lyfta umræðu um framtíð Íslands úr hjólförum stjórnarskrármálsins. Umdeildasta hugmynd hans, Miðlunin, átti að vera skref í þá átt. Hér skrifa sjö virtir sagnfræðingar um Pál í ljósi sinnar sérþekkingar og ferill hans er greindur út frá ýmsum sjónarhornum. Sjónum er sérstaklega beint að vanmetnu framlagi hans til stjórnmála- og hugmyndasögu Íslendinga. 224 bls. Háskólaútgáfan E  ​ Hugsað upphátt Guðrún Egilson Hugsað upphátt geymir úrval pistla sem Guðrún Egilson skrifaði í Morgunblaðið á fjörutíu ára tímabili. Pistlar hennar vöktu jafnan mikla athygli, enda er Guðrúnu einstaklega lagið að segja mikla sögu í stuttu máli. Pistlar Guðúnar eru hispurslausir og þar er brugðið upp lifandi og minnisstæðum myndum úr lífi hennar og íslenskum hversdagsveruleika. 160 bls. Ugla D  ​ Hulduheimar Huldufólksbyggðir á Íslandi Símon Jón Jóhannsson Myndir: Ívar Gissurarson Bókin Hulduheimar hefur að geyma um eitt hundrað huldufólkssögur úr öllum landshornum. Farinn er hringurinn kringum landið og sagðar huldufólkssögur úr flestum héruðum. Sögurnar greina frá litríkum samskiptum huldufólksins við íbúa mannheima og bregða upp myndum úr veröld sem oftast var hulin augum, falin á bak við standberg og klettaþil. Ljósmyndir og annað myndefni fylgir hverjum stað auk staðbundinna korta. 240 bls. Nýhöfn 62 Fræði og bækur almenns efnis