Bókatíðindi 2020

A Gormabók  B Harðspjalda bók  C Hljóðbók  D Innbundin bók  E Kilja  F Rafbók  G Sveigjanleg kápa  I Endurútgáfa  B Ó K A T Í Ð I N D I 2 0 2 0 D  ​ Kindasögur II Aðalsteinn Eyþórsson og Guðjón Ragnar Jónasson Sauðkindin er fíngerð og viðkvæm sagði í einni af útvarpstilkynningum Sauðfjárverndarinnar seint á síðustu öld. Í öðru bindi Kindasagna eru meðal annars rifjuð upp tildrög þessara tilkynninga, sagt frá afdrifum kinda í eldgosum og sauðfjárhaldi í höfuðborginni, vikið að framliðnum kindum, forystukindum, stökkrollum og karakúlfé, auk kinda í kvæðum íslenskra skálda. Kindasögur eru sérstök grein íslenskrar sagnaskemmtunar sem á sér langa sögu og lifir enn góðu lífi – rétt eins og sauðkindin sjálf. Höfundar eru áhugamenn um sögur og sauðfé. 128 bls. Bókaútgáfan Sæmundur E ​ F ​ C  ​ Konan sem datt upp stigann – saga af kulnun Inga Dagný Eydal Lesari: Inga Dagný Eydal Inga Dagný Eydal segir hér sögu sína en hún hefur í nokkur ár glímt við afleiðingar þess að hafa veikst af of mikilli streitu. Þetta er saga konu sem tekst á við kulnun af æðruleysi en kemur líka oft auga á broslegu hliðarnar. Hún lítur gagnrýnum augum til fortíðar um leið og hún horfir fram á veginn í leit að lausnum og bata. 144 bls. Forlagið – JPV útgáfa G  ​ Konur sem kjósa Aldarsaga Erla Hulda Halldórsdóttir, Kristín Svava Tómasdóttir, Ragnheiður Kristjánsdóttir og Þorgerður H. Þorvaldsdóttir Stórvirki um íslenskar konur og kosningaréttinn í eina öld. Fjallað er um kvennablöð og kvennaframboð, kvennafrí og kvennaverkföll, um baráttu kvenna fyrir hlutdeild í stjórn landsins og frelsi til að ráða menntun sinni og atvinnu, barneignum og ástarsamböndum. Bókina prýðir fjöldi mynda. Áður ósagðar sögur kvenna njóta sín í lifandi texta. 783 bls. Sögufélag D ​ I  ​ Kúgun kvenna John Stuart Mill Þýð.: Guðmundur Arnlaugsson John Stuart Mill gerði sér vel ljóst að jafnrétti fengist ekki með lagabreytingum einum heldur þyrfti að vinda ofan af aldalöngum bábiljum og kynbundnum yfirráðum sem hefðu komið í veg fyrir að konur nytu sín til jafns við karla. Kúgun kvenna er mikilvægt innlegg í jafnréttisbaráttu enn þann dag í dag – rúmum 150 árum eftir að verkið kom út fyrst. 384 bls. Hið íslenska bókmenntafélag G  ​ Íslenskir matþörungar Ofurfæða úr fjörunni Eydís Mary Jónsdóttir, Hinrik Carl Ellertsson, Silja Dögg Gunnarsdóttir og Karl Petersson Íslenskir matþörungar opnar okkur heim ofurfæðunnar úr fjörunni. Í fyrsta skipti birtist í íslenskri bók alhliða fróðleikur um undraheim matþörunga. Hér lærum við allt um sjálfbæra nýtingu, verkun og geymsluaðferðir auk þess sem bókin inniheldur fjölda girnilegra mataruppskrifta þar sem einn fremsti matreiðslumeistari þjóðarinnar galdrar réttina fram. 262 bls. Sögur útgáfa D  ​ Íslensku fuglarnir og þjóðtrúin Sigurður Ægisson Fjallað er um alla íslenska varpfugla í þjóðtrúnni. Dæmi: Á Horni í Sléttuhreppi boðaði það rigningu ef lómurinn stóð á öðrum fæti og skrækti. Í Heklu átti að vera búst­ aður hrafna með glóandi klær og nef úr járni. Vegna smæðar, litar og atferlis, eða með öðrum orðum vegna þess hversu jarðbundinn hann er og gjarn á að skjótast í felur í holum og gjótum eða þéttu kjarri, í stað þess að bjarga sér á flugi, var músarrindillinn löngum talinn skyldari mús en fugli. Jónas Jónasson frá Hrafnagili nefnir forn ráð við gulu. Eitt var það að hræra arnarheila út í þemur mörkum af víni og drekka svo. Ríflega 250 myndir prýða bókina. Bókaútgáfan Hólar G  ​ Júdít Ritstj.: Svanhildur Óskarsdóttir Gyðingakonan Júdít er falleg ekkja sem vinnur hetjudáð með því að höggva höfuðið af hershöfðingjanum Hólófernesi. Dáð hennar varð fræg og margir listamenn hafa gert átökum þeirra Hólófernesar skil. Þessi fallega þýðing er frá 14. öld en á máli sem er tiltölulega auðskilið nútímalesendum. Þýðingin er prentuð með nútímastafsetningu og henni fylgir fræðandi inngangur og nafnaskrá. 49 bls. Stofnun Árna Magnússonar í íslenskum fræðum G  ​ Ketóflex 3-3-1 mataræðið Þorbjörg Hafsteinsdóttir Ketóflex er fullkomin og frelsandi leið til að ná kjörþyngd og yngja sig upp. Með henni nýtur þú kosta ketó-mataræðis enn betur því ketóflex byggist á sveigjanleika (3 dagar á ketó, 3 dagar í hleðslu og 1 frjáls dagur). Endurheimtu orkuna, jafnvægið og gleðina með ketóflex, lífsstílnum sem allir geta ráðið við án eftirsjár eftir gömlum siðum. 250 bls. Sögur útgáfa 63 Fræði og bækur almenns efnis