Bókatíðindi 2020

A Gormabók  B Harðspjalda bók  C Hljóðbók  D Innbundin bók  E Kilja  F Rafbók  G Sveigjanleg kápa  I Endurútgáfa  B Ó K A T Í Ð I N D I 2 0 2 0 G  ​ Til hnífs og skeiðar Greinasafn um íslenska matarmenningu Ritstj.: Brynhildur Ingvarsdóttir og Örn D. Jónsson Bókin hefur víða skírskotun og höfðar til almennings, áhugafólks um mat og matarmenningu jafnt sem fræðimanna. Hún fjallar um færni, fjölbreytni og hugvit og hvernig íslensk matargerð og hérlendar aðstæður hafa skapað verðmæti sem sífellt koma á óvart, vekja athygli, jafnvel undrun. 250 bls. Háskólaútgáfan G  ​ Tíðni orða í tali barna Jóhanna Thelma Einarsdóttir, Anna Lísa Pétursdóttir og Íris Dögg Rúnarsdóttir Fyrsta bók sinnar tegundar á Íslandi um tíðni orða í talmáli barna. Hún sýnir hvaða orð börnum er tamast að nota þegar þau tjá sig á íslensku í samræðum við fullorðna. Orðtíðnibókin er framlag til að auka þekkingu á málfærni barna sem tala íslensku. Henni er ætlað að nýtast við kennslu á grunnorðum í íslensku fyrir börn með málþroskaröskun og börn af erlendum uppruna sem eru að læra íslensku. 534 bls. Háskólaútgáfan G  ​ Tíu skref í átt að innihaldsríku lífi Bergsveinn Ólafsson Fyrir nokkrum árum ákvað knattspyrnumaðurinn og sálfræðineminn Bergsveinn Ólafsson að setjast niður og kortleggja á tveimur vikum hvað einkenndi innihaldsríkt líf. Ekki leið á löngu uns hann áttaði sig á að þetta yrði mögulega stærsta verkefni hans í lífinu. „Skyldulesning fyrir fólk á öllum þroskastigum lífsins.“ Inga Dóra Sigfúsdóttir, prófessor. 214 bls. Sögur útgáfa G  ​ Trú og þjóðfélag Afmælisrit til heiðurs Pétri Péturssyni prófessors Ritstj.: Bjarni Randver Sigurvinsson, Egill B. Hreinsson og Jónas Elíasson Hér kennir margra grasa enda endurspeglar ritið breitt rannsóknar- og áhugasvið afmælisbarnsins sem lokið hefur háskólaprófum í félagsfræði og guðfræði. Greinar um afbrotafræði, kristna siðfræði, stöðu, sögu og starfsemi kristinnar kirkju, bókmenntir, tónlist, listfræði og áfengisneyslu í sænskum söfnuðum auk greinar í anda Pýþagórasar. 300 bls. Háskólaútgáfan G  ​ Sögusagnir Þrjú tímamótaverk og einu betur Jón Karl Helgason Eftir lok síðari heimsstyrjaldar komu út þrjú skáldverk sem mörkuðu tímamót í íslenskum bókmenntum og jafnvel upphaf samtíma okkar. Þetta voru Vikivaki eftir Gunnar Gunnarsson, Eftir örstuttan leik eftir Elías Mar og Uppstigning eftir Sigurð Nordal. Í Sögusögnum fjallar Jón Karl Helgason um einkenni þessara verka, stöðu þeirra í bókmenntasögunni og tengir þau við skrif erlendra skálda. 280 bls. Dimma G  ​ The Little Book of Days in Iceland Alda Sigmundsdóttir Í þessari bók, sem er hluti af hinni vinsælu og rómuðu „Little Books“ bókaröð, eru hátíðisdagar okkar Íslendinga og aðrir árstíðabundnir siðir til umfjöllunar í máli og myndum. Bókin er jafnframt dagatalsbók sem hægt er að nota sem stutta dagbók, til áminningar og fleira. Tilvalin gjöf fyrir vini eða ættingja erlendis, eða erlenda vini hérlendis. 144 bls. Enska textasmiðjan D  ​ The Little Book of the Icelanders at Christmas Alda Sigmundsdóttir Í þessari myndskreyttu bók, sem er hluti af hinni vinsælu „Little Books“ bókaröð, lýsir Alda Sigmundsdóttir í léttum og skemmtilegum dúr jólavenjum okkar Íslendinga frá byrjun Aðventunnar til lok Þrettándans. Smákökubakstur, jólahlaðborð, skötuveislur, jólasveinar, Gamlárskvöld, flugeldar og margt fleira. Tilvalin gjöf fyrir vini eða ættingja erlendis, eða erlenda vini hérlendis. 136 bls. Enska textasmiðjan C  ​ Sönn íslensk sakamál S1-S4 Sigursteinn Másson Lesari: Sigursteinn Másson Sjónvarpsþættina Sönn íslensk sakamál þekkja flestir Íslendingar en Sigursteinn Másson gegndi hlutverki þular þessara feikivinsælu þátta, ásamt því að vera umsjónarmaður og handritshöfundur þeirra í upphafi. Nú hafa Sönn íslensk sakamál öðlast nýtt líf í hljóðbókarformi Storytel Original og í þessum spennuþrungnu seríum fer Sigursteinn yfir bæði ný og gömul mál þar sem ekki eru öll kurl komin til grafar. Þrjár seríur hafa komið út á árinu og er fjórða sería væntanleg skömmu fyrir jól. Ekki missa af þessum! H 18:00 klst. Storytel 69 Fræði og bækur almenns efnis