KYLFINGUR 2022

62 I KYLFINGUR I Lið GR Íslandsmeistarar í LEK-móti golfklúbba 65 ára og eldri LEK mót golfklúbba 65+ fyrsta deild karla var leikin við erfiðar aðstæður í Önd­ verðarnesi í síðustu viku. Mótinu lauk á miðvikudag og stóð sveit GR uppi sem sigurvegarar í mótinu, í öðru sæti varð Nesklúbburinn og Keilir í þriðja. Mótið verður aftur haldið hjá Golfklúbbi Öndverðarness að ári liðnu. Framkvæmd mótsins í ár var öll til fyrirmyndar hjá klúbbnum og eiga starfsmenn skilið hrós fyrir vel unnin störf og gott utanumhald. Við óskum okkar frábæru kylfingum innilega til hamingju með sigurinn í 1. deild karla. Firnasterkt lið GR, fv.: Hannes Eyvindsson þrefaldur Íslandsmeistari frá 1978–80, Ragnar Ólafsson Íslands­ meistari 1981, Hans Óskar Isebarn margfaldur unglingameistari, Sæmundur Pálsson stórkylfingur, Sigurjón Árni Ólafsson liðstjóri og leikmaður, Kolbeinn Kristinsson, Friðgeir Óli Sverrir Guðnason, Jón Haukur Guðlaugs­ son og Hörður Sigurðsson, allir með marga sigra að baki í gegnum tíðina. Sveit GR, fv.: Júlíana Guðmundsdóttir, Ragnhildur Sigurðardóttir, Steinunn Sæ­ mundsdóttir, Sigríður Kristinsdóttir, Ásta Óskarsdóttir, Helga Friðriksdóttir, Signý Marta Böðvarsdóttir, Þuríður Valdimarsdóttir og Guðrún Garðars. Íslandsmót golfklúbba 2022 í kvennaflokki 50 ára og eldri fór fram á Hólmsvelli í Leiru 18.–20. ágúst. Í 1. deild kvenna tóku alls 8 lið þátt. Keppt var í tveimur riðlum og leikin ein umferð í riðlinum. Tvö efstu liðin komust í undanúrslit þar sem efsta liðið í A-riðli lék gegn liðinu í 2. sæti í B-riðli. Efsta liðið úr B-riðli lék gegn liðinu í 2. sæti í A-riðli. Liðin sem komust ekki í undanúrslit léku um sæti 5.-8. og neðsta liðið féll í 2. deild. Einn fjórmenningsleikur og fjórir tvímenn- ingsleikir fóru fram í hverri umferð. Golfklúbbur Reykjavíkur sigraði Golfklúbbinn Keili í úrslitaleiknum. Golfklúbburinn Leynir endaði í þriðja sæti eftir sigur gegn Golfklúbbi Kópavogs og Garðabæjar í leiknum um þriðja sætið. Golfklúbbur Vestmannaeyja féll úr efstu deild. Íslandsmót golfklúbba 2022 – 1. deild kvenna +50 Golfklúbbur Reykjavíkur sigraði