30 Pappír Pappír er mest notaða hráefnið í prentiðnaði, hvort sem það er venjulegur prentpappír til framleiðslu á prentgripum eins og nafnspjöldum, einblöðungum, bæklingum og bókum, eða karton til umbúðagerðar. Eiginleikar pappírs hafa úrslitaþýðingu fyrir prentun og frágang prentgripa og notkunarmöguleika þeirra eftir að þeir koma úr prentsmiðju. Það er því mjög mikilvægt að velja pappír eins snemma í prentferlinu og hægt er, helst áður en hönnun-og umbrot hefst. Það er vandi að velja pappír fyrir prentgripi og þarf reynslu og þekkingu til, stundum er áferð pappírs tekin fram yfir prentgæði eða öfugt og mikilvægt að þekkja muninn á þessu og sjá fyrir sér endanlega útkomu. Rangt val á pappír getur komið niður á læsileika texta, myndgæðum, prentgæðum, frágangi og endingu, sem og notkunar- möguleikum prentgripsins. Strokinn (húðaður) og óstrokinn (óhúðaður) pappír Algengast er að skipta pappír í húðaðann og óhúðaðann pappír. Húðuðum eða stroknum pappír er síðan skipt í undirflokka eftir húðunarmagni: léttstrokinn, meðalstrokinn, hástrokinn og listprentpappír. Helstu hugtök sem við notum í daglegu máli við skilgreiningu á áferð húðaðs pappírs eru: Mattur, hálfmattur eða silkimattur, hálfglans eða perlumattur og svo glansandi eða gloss. Við húðun verður yfirborð pappírsins jafnara, en þannig fást meiri prentgæði. Dæmi um húðaðan pappír er pappír í bæklingum, listaverkabókum og tímaritum. Dæmi um óhúðaðan pappír er skrif- og ljósritunarpappír og pappír í vasakiljum. Á flestar tegundir óhúðaðs pappírs er borin límsterkja til að yfirborðsstyrk- leikinn verði betri. Glansandi og mattur pappír Yfirborð pappírs er hægt að gljábera til að hann glansi meira. Húðaður pappír getur verið glansandi eða mattur. Einnig er hægt að gljábera óhúðaðan pappír. Ef pappírinn er glansandi prentast myndir og litir betur, en erfiðara verður að lesa texta vegna truflandi endurkasts ljóssins. Bækur með miklum texta eru oftast prentaðar á mattan og/ eða óhúðaðn pappír til að læsileikinn verði meiri. Í seinni tíð hafa komið fram nýjar pappírstegundir með „silki- áferð“. Þær hafa þann kost að yfirborðið er jafnt en endurkastar ekki ljósinu, sem þýðir að hægt er að sameina góðan læsileika og mikil myndgæði. Hráefnin Barrskógabelti norðurhjara er ein þýðingarmesta uppspretta hráefna í pappírsiðnað. Norðurlönd, þ.e. Finnland, Svíþjóð og Noregur rækta upp gífurleg skóglendi til nytja.Smíðaviður er sérræktaður og svo er einnig um við til pappírsiðnaðar. Eins og góðum búmönnum sæmir, er ekki gengið svo að auðlindinni að henni stafi hætta af. Þvert á móti hefur vöxtur skóga í Evrópu aukist um verulega frá lokum fyrri heimsFróðleiksmolar Pappír er framleiddur úr sjálfbærum nytjaskógum sem sérfræðingar hafa umsjón með og eru aðeins 13% af hverju tré notuð í prentiðnaðinn. Pappírs- og prentiðnaður á norðurhveli jarðar tryggir heilbrigða og vaxandi nytjaskóga og notar virkt vottunarkerfi sem tryggir að pappírinn sé unninn úr sjálfbærum skógi. Á hverjum degi stækka skógar evrópu sem nemur 1.500 fótboltavöllum eða 1.050 hekturum. Ekki er gróðursett á þeim svæðum sem njóta náttúruverndar. Á einu ári tekur eitt tré að jafnaði til sín 22 kg. af kolvíðoxíði og gefur frá sér súrefni. Pappír er ein mest endurunna vara heims. 72,3 % pappírs er endurunninn. Birgjar Prentmets Odda eru flestir evrópskir.
RkJQdWJsaXNoZXIy MzI5Mjk2Nw==