32 Framleiðslan Pappírsverksmiðjur eru víða um heim. Ekki þurfa þær endilega að starfa í næsta nágrenni við skóga, en vatn og orka eru nauðsnleg atriði til þess að byggja á. Pappírskvoða er sérstaklega framleidd og seld á heimsmarkaðs- verði aftur og fram um heiminn. Þannig eru t.d. Kanadamenn öflugir í framleiðslu og sölu pappírskvoðu eða cellulosa. Á Norðurlöndum eru flestar pappírsverksmiðjur jafnframt kvoðuverksmiðjur sem skýrist af gnægð skóga í þeim heimshluta. Pappírsverskmiðja Framleiðsla pappírs fer þannig fram að pappírskvoða sem inni- heldur nálega 99% vatn, er tekin inn á sérbyggt færiband sem er í raun net. Tilgangurinn er að draga með sérstökum hætti niður vatnsinnihald kvoðunnar og móta yfirborð hennar í leiðinni. Á ferli kvoðunnar eftir þessu færibandi (upphaflega nefnt „Hollander“ eftir uppfinningamanni sínum) lækkar vökvainnihald kvoðunnar úr 99% í 5%. Færiböndin voru áður fyrr svokölluð „einvíra“, þ.e. rakinn úr kvoðunni skilaði sér einungis af annarri hlið pappírsins sem við það varð „einhliða“. Nú til dags notast nánast alfarið „tvívíra“ færiband sem gerir það að verkum að fylliefni í kvoðunni leita inn í miðju hennar sem aftur skilar mun jafnara yfirborði pappírsins, beggja vegna. (two- sided). Af því leiðir svo aftur að við prentun draga báðar hliðar pappírsins farvann álíka vel til sín, sem þýðir að báðar hliðar arkar- innar prentast ámóta vel. „Lega“ pappírs (Grain Direction) Við notkun pappírs í prenti er þýðingarmikið að gera sér grein fyrir „legunni“ í pappírnum.Þar eru notuð hugtökin langtrefja og skammtrefja. Í málum nágrannalandanna heitir þetta „long-grain“ og „shortgrain“ (e) og lang-bane og smal-bane (d). Í daglegri notkun eru ensku hugtökin kunnust. Þessi hugtök vísa til þess hvernig trefjarnar í pappírskvoðunni raða sér í pappírnum. Type to enter a caption.
RkJQdWJsaXNoZXIy MzI5Mjk2Nw==