Leiðtogaþjálfun

Prentmet Oddi 49320 Nr. 1104 Færniþættir sem unnið er með: VAL STARFSMANNA: VIÐTALSTÆKNI Megin færniþættir: • Mannauðsstjórnun Samþætting mannauðs og markmiða fyrirtækisins. • Tjáskipti Að auka hæfni einstaklingsins með virkri hlustun og skýrum munnlegum og skriflegum upplýsingum. Tengdir færniþættir: • Ákvarðanataka Að viða að sér og skilja staðreyndir, meta áhættu og forgangsraða möguleikum á hlutlægan hátt sem leiðir til afgerandi framkvæmda. • Leiðtogahæfni Að vinna í samræmi við sýn, stefnu og gildi fyrirtækisins að því að hámarka virði þess. Að laða fram samvinnuanda og ná því allra besta úr fólki þannig að allir stefni að sömu markmiðum. • Árangursmiðun Mikil áhersla á sigur og að finna árangursríka lausn við allar kringumstæður. Við lok þessarar einingar verða þátttakendur færir um að: • Ákvarða bestu viðtalstæknina til að nota við val starfsmanna • Beita áhrifaríkum ráðum og tækni í ráðningaviðtölum • Þróa spurningar sem ákvarða hæfni umsækjenda með árangursríkum hætti YFIRLIT Árangursríkar ráðningar eru vandasamar bæði í góðu efnahagsástandi og slæmu. Þegar atvinnuleysi er mikið keppir reynslumikið fólk um störf við þá nýútskrifuðu sem gerir valið erfiðara. Þegar atvinnuleysi er lítið er að sama skapi erfitt að ná til hæfra einstaklinga í þær stöður sem eru lausar. SAMHENGI Það er eitt að líta vel út á pappír. Það er vissulega mikilvægt að búa yfir reynslu, hæfni og þekkingu. Það er hins vegar ekki síður mikilvægt að búa yfir færni í samskiptum og að hafa jákvætt viðhorf en þessa þætti er einungis hægt að meta í viðtali. Höfum jafnframt í huga að viðtalið snýst um fleira en mat okkar á umsækjandanum: Þú endurspeglar fyrirtækið með þínu viðmóti. Markmiðið með viðtalinu er að komast að hæfni einstaklingsins og átta okkur á þeim þáttum sem ekki koma fram í skriflegum upplýsingum. Í þessum hluta lærir þú viðtalstækni sem kemur í veg fyrir kostnaðarsöm mistök. Fyrst skoðar þú viðtalsuppsetningu sem hentar best til að þrengja valið þegar ráðið er í stöður. Síðan lærir þú tækni sem gerir þér kleift að grafast fyrir um raunverulega reynslu og hegðunarmynstur viðmælandans.