Leiðtogaþjálfun

Prentmet Oddi 49320 Nr. 1008 Færniþættir sem unnið er með: TÍMASTJÓRNUN YFIRLIT Tvö lykilatriðin í tímastjórnun eru að skoða í hvað við verjum tímanum og einbeita okkur að því að eyða orku í verkefni sem hafa raunverulegt mikilvægi. Þú getur forðast harðstjórn þess áríðandi með því að leggja mat á verkefnin og beita fimm þaulreyndum tímastjórnunarleiðum. SAMHENGI Tími líður hratt, mínútu fyrir mínútu og klukkustund fyrir klukkustund. Við getum ekkert gert til að fara til baka í tíma. Við höfum öll sama magn tíma, 1.440 mínútur á dag. Það eru engar töfralausnir til að nýta tíma okkar á áhrifaríkari hátt. Lykillinn er að verja tímanum í ábatasömustu verkefnin, ekki bara fyrirtækisins vegna heldur líka svo þú getir öðlast hugarró. Í þessum hluta byrjar þú á að skoða í hvað þú verð tímanum. Besta leiðin til að koma auga á hvar við getum bætt okkur er að sjá skýrt hvar við töpum tíma. Þú ferð í gegnum ákveðnar leiðir og aðferðir sem hjálpa fólki að halda sér innan tímamarka, lágmarka frestunaráráttu og ná fram árangri á sviðum sem við getum tekið styrkari stjórn á. Megin færniþættir: • Beiting stjórntækja Beitir viðeigandi stjórntækjum til að tryggja viðgang ferla fyrirtækisins. • Frumkvæði Hefur frumkvæði að því að koma hlutum í verk. Leggur mat á sjálfa(n) sig og aðra og grípur til leiðréttandi aðgerða þegar þörf er á. Hefur sjálfsaga. Tengdir færniþættir: • Mannauðsstjórnun Nýtir ferli til að tengja mannauðinn við markmið fyrirtækisins. • Leiðtogahæfni Vinnur í takt við sýn, stefnu og gildi að því að hámarka virði fyrirtækisins. Nær fram viljugri samvinnu og því allra besta í öðrum til að ná fyrirfram áætluðum árangri. . Við lok þessarar einingar verða þátttakendur færir um að: • Greina í hvað þeir verja tímanum • Tileinka sér vilja til að yfirstíga hindranir í tímastjórnun og nýta tímann á áhrifaríkari hátt • Beita aðferðum til að áætla, skipuleggja og stjórna tíma sínum • Nýta tíma og auka framleiðni, vinna á áhrifaríkari hátt, ekki meira