Ábyrgðar- og þjónustubók

❶ Bifreið þessi hefur verið ryðvarin hjá Bílaryðvörn hf., Bíldshöfða 5, Reykja­ vík. Ábyrgð þessi nær til lokaðra holrúma svo og yfirbyggingar bifreiðarinnar, sem ryðga innan frá vegna ófullnægjandi ryðvarnar. Ef ryðskemmdir koma fram á ábyrgðartímabilinu, á þeim hlutum bifreiðarinnar, sem ábyrgðin nær yfir þá verða þær bættar. Ábyrgðin nær aðeins yfir nýjar bifreiðar, þ.e.a.s. bifreiðar sem hafa ekki verið ryðvarðar áður. Ábyrgðin gildir aðeins að því tilskyldu, að endurryðvörn eigi sér stað á a.m.k. 24 mánaða fresti út ábyrgðartímabilið. Kostnað vegna endurryðvarnar greiðir bifreiðareigandi samkv. gildandi gjaldskrá hvers tíma. ❷ Í hvert skipti sem bifreið er ryðvarin skal það staðfest með dagsetningu í ábyrgðarskírteinið, stimpli Bílaryðvarnar hf. og undirskrift afgreiðslumanns. ❸ Ábyrgð þessi gildir ekki um: A Ryðskemmdir sem orsakast hafa af vanhirðu bifreiðarinnar þannig að aukin hætta á ryðmyndun hefur átt sér stað. B. Ryðskemmdir sem komið hafa til í kjölfar árekstra eða vegna skemmda á lakki utan ryðvarins svæðis. C. Ryðskemmdir á hemla- eldsneytis- og útblásturskerfum, eldsneytisgeymi, skrauti, listum, stuðurum og hjólum. D. Ryðskemmdir á bifreiðum sem notaðar hafa verið í keppnum. E. Ryðskemmdir á hlutum sem skipt hefur verið um eða gert hefur verið við, og ekki verið ryðvarðir þegar í stað hjá Bílaryðvörn hf. F. Bætur vegna stöðvunar á bifreiðinni, kostnaðar vegna bílaleigubíls eða annað óbeint tjón, svo sem verðrýrnun, fæst ekki bætt samkv. þessari ábyrgð. Ekki er heldur greiddur kostnaður við endurbætur eða breytingar á bifreið sem gerðar eru í sambandi við viðgerð á ryðskemmdum eða aukakostnaði vegna yfirvinnu sem unnin er að ósk eiganda bifreiðarinnar, eða flutningi á varahlutum með sér-pöntuðum flutningstækjum. G. Ryðskemmdir vegna ógætilegrar meðferðar á upplausnarefnum svo sem steinolíu, bensíni og fl. ❹ Komi ryðskemmd í ljós og eigandi bifreiðar telji að ryðvarnarábyrgð skuli gilda um viðgerð, skal hann tilkynna þetta Bílaryðvarnar hf. eða Suzuki bíla hf. Bílaryðvörn hf., Suzuki bílar hf. ákvarða á hvaða verkstæði viðgerð skal framkvæmd og hve umfangsmikil hún skal vera. Ábyrgðin gildir ekki um ryðskemmdir sem tilkynntar eru meira en 30 dögum eftir að 8 ára ábyrgðin er út runnin. Hvort sem ryðskemmd hefur komið í ljós eða ekki, skal endurryðverja bifreiðina innan tilskilinna tímamarka samkvæmt 1. grein. Hið sama gildir þó bifreiðin hafi verið tekin af skrá, jafnvel þótt það hafi verið tímabundið. ❺ Í sambandi við tilkynningu um ábyrgðarviðgerð skal eigandi bifreiðarinnar framvísa þessu ábyrgðarskírteini til sönnunar á því að endurryðvörn hafi farið fram með tilskyldu millibili. Hafi það ekki verið gert, eða ekki sé hægt að sýna fram á endurryðvörnina með ábyrgðarskírteininu telur Bílaryðvörn hf. sig lausa undan allri ábyrgð. ➏ Sé ágreiningur hvort um ryðskemmd er að ræða, eða hvort augljósar ryðskemmdir falla undir ramma þessarar ábyrgðar, hefur Bílaryðvörn hf. ekkert á móti því, að leitað verði álits sérfræðinga innan Bílgreinasambandsins. ➐ Bílaryðvörn hf. áskilur sér rétt til að ákveða það hverju sinni hvort bifreið sé ábyrgðarhæf eða ekki. 8 Ábyrgðarskilmálar – Ryðvörn