Ábyrgðar- og þjónustubók

Þjónustuáætlun Suzuki er hönnuð til að auðvelda þér að halda bílnum þínum í besta mögulega ástandi, með því að láta yfirfara hann með reglulegum hætti. Uppfærslur á hugbúnaði stjórntölva í bílum er raunveruleikinn í dag, og eru þær framkvæmdar sem hluti af þjónustuskoðunum án endurgjalds. Þessi bók inniheldur þjónustuáætlun, sem gerir grein fyrir reglubundinni þjónustu og hvenær hún skuli framkvæmd. Einnig eru í bókinni síður með reitum fyrir upplýsingar um framkvæmdar reglubundnar skoðanir, smurþjónustu og ryðvarnarskoðanir, og endurryðvörn. Reitir þessir skulu fylltir út og stimplaðir eftir viðeigandi skoðun/þjónustu. Regluleg þjónusta er nauðsyleg öryggis þíns vegna, til að tryggja langa og áfallalausa endingu bílsins og síðast en ekki síst til að viðhalda ábyrgð bílsins. Þjónustubókin er sett upp eins og framleiðandi óskar til að viðhalda ábyrgð eins og fram kemur undir liðnum "Ábyrgðarskilmálar" á bls.7. Þá er það undir eiganda- umráðamanni komið hvora ábyrgðina hann velur 5 eða 2 ár sem getið er á sömu bls. Þjónustan er sett upp á tvo vegu þ. e. þeir sem aka mikið stuttar vegalengdir og þeir sem ekki gera það sem og getið er undir liðnum "Mikilvægt" á bls. 4. Þeir sem aka stuttar vegalengdir þurfa skipta oftar um olíu á vél þ.e. 7.500 - 15.000 - 22.500 - 30.000 km. og svo framvegis. Þeir sem ekki aka stuttar vegalengdir þurfa skipta um olíu á vél eingöngu við hverja þjónustuskoðun þ.e. 15.000 - 30.000 - 45.000 km. og svo framvegis. Dagleg umhirða Auk reglubundinna skoðana er áríðandi að bíllinn sé ávallt í óaðfinnanlegu ásigkomulagi og alls öryggis sé gætt, að eigandi athugi reglulega öll öryggistæki bílsins, sem dæmi: • Að öll ljós séu í lagi • Ástand sætabelta • Að hemlar séu í lagi • Ástand þurrkublaða • Athuga loftþrýsting í hjólbörðum • Einnig er áríðandi að þvo og bóna bílinn reglulega Áríðandi Ef þú finnur einhverjar bilanir við daglega umhirðu eða akstur, láttu þá gera við þær strax hjá næsta Suzuki þjónustuverkstæði. Þær gætu haft áhrif á öryggi þitt í umferðinni. 9 Þjónustuáætlun