Engin venjuleg verslun - Þriðji hluti

Margir þekktir erlendir fjölmiðlar sendu fréttamenn, kvikmyndatökumenn og ljósmyndara til þess að fylgjast með fyrsta söludegi bjórsins. Sagt var frá bjórkomunni í öllum helstu dagblöðum Evrópu og evrópskar og bandarískar sjónvarpsstöðvar sýndu viðtöl og myndir af Íslendingum að drekka bjór. Talið var að Ísland hefði ekki fengið slíka alþjóðlega athygli síðan á leiðtogafundi Reagans og Gorbatsjovs í Höfða árið 1986. Innlendur bjór Í flestum löndum hefur innlendur bjór sterka stöðu á heimamarkaði. Stór erlend bjórfyrirtæki verja miklu fé til markaðsrannsókna og auglýsinga og því var óvíst hvernig íslenskum bjór yrði tekið, þar sem margir Íslendingar höfðu dvalið eða ferðast erlendis og drukkið heimsþekkt vörumerki eins og Carlsberg og Corona. Í umræðunni um hvort hefja skyldi sölu bjórs var oft vísað til þeirra raka að framleiðsla á bjór myndi efla íslenskan iðnað. Mikil uppbygging hafði verið í íslenskum drykkjarvöruiðnaði vegna vaxandi markaðar og nýjunga í framleiðslu og umbúðum. Framleiðendur voru því tilbúnir til að brugga bjór og tappa á flöskur erlendum bjór sem yrði fluttur inn í tönkum. Við undirbúning á bjórsölunni bárust ÁTVR tilmæli bæði frá iðnaðarráðuneytinu og fjár- málaráðuneytinu um að ÁTVR hefði íslenskan bjór á boðstólum í verslunum sínum. Tvö brugghús voru í landinu, Ölgerðin Egill Skallagrímsson og Sanitas á Akureyri, sem höfðu framleitt bjór til sölu í Fríhöfninni. Í upphafi árs 1989 fengu bæði fyrirtækin leyfi til að framleiða áfengan bjór fyrir innanlandsmarkað. Sanitas hætti starfsemi en nýtt fyrirtæki var stofnað um rekstur ölgerðarinnar á Akureyri, Viking-Brugg h/f. Nýja fyrirtækið bauð strax upp á þrjár tegundir: Löwen- bräu, sem var bruggaður hér á landi með leyfi þýska framleiðandans, og var hann 5,3% að styrkleika, Sanitas Pilsner, 4,6%, og Lageröl 5,6%. Egils Gull, með 5% styrkleika, var nýtt nafn á bjór Ölgerðar- innar sem kom í sölu strax 1. mars og hefur hann Erlendir fréttamenn fyrir utan áfengisverslunina á Snorrabraut 1. mars 1989 en afnám bjórbannsins vakti heimsathygli. 256