Kjarasamningur milli VR/LÍV og Félags atvinnurekanda

23 2.4.5. Hlé Starfsmaður á rétt á a.m.k. 15 mínútna hléi ef daglegur vinnutími hans er lengri en 5 klst. 2.4.6. Helgarfrí í verslunum Verslanir skulu leitast við að skipuleggja vinnutíma starfsfólks sem vinnur alla virka daga þannig að það eigi frí a.m.k. 8 helgar af 16 frá föstudagskvöldi til mánudagsmorguns. 2.4.7. Hvíld vegna ferðalaga Sé ekki um annað samið eiga starfsmenn sem eru á ferðalagi á vegum vinnuveitenda fram á kvöld eða yfir nótt, rétt á að lágmarki 11 klst. hvíld milli vinnudaga, sbr. grein 2.4.1. 2.5. Skráning vinnutíma 2.5.1. Almennt Starfsfólk skal mæta stundvíslega til vinnu sinnar hvort heldur þá vinna hefst að morgni eða eftir matar- og/eða kaffihlé. Komi starfsfólk of seint til vinnu er heimilt að draga ¼ klst. frá mánaðarkaupi á yfirvinnukaupi fyrir hverja byrjaða ¼ klst. ef um ítrekuð tilvik er að ræða. Byrjuð ¼ klst. unninnar yfirvinnu telst sem ¼ klst. 2.5.2. Skráning með stimpilklukku Komi starfsmaður of seint til vinnu á hann ekki kröfu til kaups fyrir þann tíma sem áður er liðinn. Yfirvinnu skal ekki greiða fyrr en samningsbundnum dagvinnustundum hefur verið skilað. Þetta frestar þó aldrei upphafi yfirvinnu um meira en 30 mínútur. 2.5.3. Skipulag vinnutíma á ársgrundvelli Heimilt er með samkomulagi vinnuveitanda og launþega að semja um ársskil á vinnutíma. Liggja skal þá fyrir hver heildarfjöldi vinnudaga eða vinnutíma ársins sé hvert almanaksár. Heimilt er með samkomulagi milli aðila að hliðra til vinnutíma launþegans innan dagvinnutímabils á þann veg að launþeginn geti unnið af sér ákveðinn vinnutíma á ári og tekið hann út í formi aukins orlofs. Ákveða þarf fyrir fram það fyrirkomulag sem vinna á eftir og gera skriflegt samkomulag þar um. Vinnutími skal þó ekki stangast á við önnur ákvæði kjarasamnings sem lúta að lágmarkshvíld og hámarki vinnutíma sbr. grein 2.4. og samningi aðila vinnumarkaðarins um vinnutíma. - Sjá fylgiskjal vegna skipulags vinnutíma á ársgrundvelli.