Bókatíðindi 2020

A Gormabók  B Harðspjalda bók  C Hljóðbók  D Innbundin bók  E Kilja  F Rafbók  G Sveigjanleg kápa  I Endurútgáfa B Ó K A T Í Ð I N D I 2 0 2 0 D  ​ Heimur risaeðla Þýð.: Þorgrímur Kári Snævarr Krakkar fræðast um risaeðlur og þróunarsöguna í þessari bók. Þau geta notað sérstakt smáforrit sem fylgir með og horft á myndbönd tengd efninu í síma eða á spjaldtölvum. Voru grameðlur með fjaðrir? Dóu risaeðlurnar út eða þróuðust þær í önnur dýr? Þessum og mun fleiri spurningum er svarað í bókinni. 64 bls. Óðinsauga útgáfa G  ​ Hestar Hjörleifur Hjartarson og Rán Flygenring Íslenski hesturinn hefur þolað margt í þúsund ára þjónustuhlutverki við kaldlynda þjóð í köldu landi. Hér stígur þarfasti þjónninn fram rétt eins og hann er og var allt frá því að fyrsta fylfulla merin steig óstyrkum fæti á íslenska strönd seint á níundu öld; laus við keppnisrembing, upphafningu og tildur. Hjörleifur Hjartarson og Rán Flygenring sýndu það með bók sinni Fuglar að íslensk fuglafræði er annað og meira en upptalning á þurrum staðreyndum. Nú er komið að hrossunum. 184 bls. Angústúra D  ​ Íslandsdætur Nína Björk Jónsdóttir Myndir: Auður Ýr Elísabetardóttir Hér er sögð saga rúmlega fjörutíu framúrskarandi kvenna sem spanna tímann allt frá upphafi byggðar á Íslandi til dagsins í dag. Sumar eru þekktar fyrir hugrekki og staðfestu eða fyrir að hafa upplifað ótrúlegar þrekraunir og tekist á við þær af seiglu og áræðni. Aðrar voru brautryðjendur, landkönnuðir, menntakonur, sjómenn eða þekktar fyrir vísindastörf, íþróttaafrek, ritstörf, tónsmíðar eða aðrar listir. Hér er einnig sögð saga kvenna sem börðust fyrir jafnrétti kynjanna og gáfu kost á sér til forystu til að bæta samfélagið. 108 bls. Salka / ÚtgáfuhúsiðVerðandi D  ​ Jörðin Fræðandi bók með flipum og útskornum síðum þar sem landafræðin öðlast líf Þýð.: Baldur Snær Ólafsson Jörðin býr yfir kraumandi eldstöðvum, jöklum, eyðimörkum, miklum vatnsföllum og dularfullum hellakerfum. Leggjum af stað í ævintýralega ferð! Fræðandi bók fyrir krakka á öllum aldri sem hafa áhuga á jörðinni. 29 bls. Setberg D  ​ Litla gula hænan Steingrímur Arason Litla gula hænan er frægari en aðrar dæmisögur. Fyrir býsna marga hefur þessi saga verið með fyrstu textum sem þeim tókst að ráða í af eigin rammleik, en hún er ekki síður eftirminnileg fyrir sinn tæra og einfalda réttlætisboðskap sem oft er vitnað til. Auk Litlu gulu hænunnar eru í bókinni fleiri kunnuglegar sögur, svo sem um sætabrauðsdrenginn sprettharða, Unga litla og um pönnuköku sem fór að heiman. Iðunn Arna Björgvinsdóttir endurgerði myndir úr fyrstu útgáfu bókarinnar frá 1930. 160 bls. Bókaútgáfan Sæmundur Barnabækur Fræði og bækur alMenns eFnis E  ​ Brandarar og gátur 5 Huginn Þór Grétarsson Þetta er brandarabók númer fimm! Hvers vegna? Jú, vegna þess að krakkar elska þessar bækur. Þeir fá ekki nóg af þeim. Þeir vilja fleiri brandara! Þess vegna kemur án efa bók númer sex á næsta ári! Fimmaurabrandarar, gamlingjabrandarar, læknabrandarar, skólabrandarar og kóvida-brandarar! Munið bara að fara á klósettið áður en þið lesið brandarana! 78 bls. Óðinsauga útgáfa E  ​ Fótboltaspurningar 2020 Bjarni Þór Guðjónsson og Guðjón Ingi Eiríksson Með hvaða liði lék Steven Lennon fyrst eftir að hann kom til Íslands? Stuðningsmannaklúbbur hvaða liðs kallar sig Silfurskeiðina? Hvernig eru sokkarnir á litinn í aðalbúningi Frakka? Með hvaða liði lék Bruno Fernandes áður en hann gekk til liðs við Manchester United? Hjá hvaða liði hóf James Milner feril sinn? Hverrar þjóðar er Lautaro Martínez? En Kim Little? Frá hvaða landi eru liðin 07 Vestur og Skála? En Haka og Honka? Þetta og margfalt fleiri spurningar í þessari bráðskemmtilegu bók sem allir knattspyrnuunnendur ættu að spreyta sig á. 80 bls. Bókaútgáfan Hólar D  ​ Fótbolti – Meistarataktar Lærðu að spila eins og þau! Rob Colson Þýð.: Ásmundur Helgason Viltu ná boltastjórn eins og Kylian Mbappé, sóla eins og Lionel Messi eða verja eins og Alisson Becker? Þessi bók hjálpar þér að ná meistaratöktum bestu leikmanna heims! Skýrar leiðbeiningar útskýra hvernig á að læra og æfa lykilatriði. Farið yfir helstu hæfileika 20 bestu leikmanna heims, yfirlit yfir bestu þjálfarana, ólík leikkerfi og bestu HM mörkin. 116 bls. Drápa D  ​ Heillaspor – gildin okkar Gunnar Hersveinn Myndir: Helga Björg Kjerúlf og Hera Guðmundsdóttir Heilræðabækur Gunnars Hersveins hafa notið mikilla vinsælda og dregið fram það sem skiptir raunverulega máli. Heillaspor – gildin okkar fjallar um gildin sem leggja grunn að farsælu lífi fyrir ungt fólk og fjölskyldur þess. Fallegar myndir og hugarljós hjálpa lesandanum að finna svörin til að stíga heillaspor í lífinu. 64 bls. Forlagið – JPV útgáfa 22