4
F R É T T A B L A Ð E F L I N G A R - S T É T T A R F É L A G S
Kjarabarátta
Ég tel það mestu skipta að við gerum
okkur vel grein fyrir stöðunni og séum
meðvituð um hvað við höfum. Við erum
með ákveðna launahækkun í samning­
unum þann 1. febrúar nk. og það eru
ákveðin verðmæti fólgin í því ekki síst
í þeirri miklu óvissu og togstreitu sem
komin er upp milli aðilanna á vinnu­
markaðnum. Þetta er það eina sem
við höfum naglfast. Við erum auðvitað
mjög ósátt við stjórnvöld sem sannarlega
hafa brugðist í mörgum þeim fyrir­
heitum sem gerð voru við samningana,
sérstaklega í atvinnumálum. Við teljum
að samkomulagið um hækkun almanna­
trygginga og atvinnuleysisbóta hafi verið
brotin og þá ekki síður að ekki hefur
verið staðið við fyrirheit í lífeyrismálum
og síðan hafa stjórnvöld lagt sérstakan
skatt á lífeyrisréttindi þeirra á vinnu­
markaðnum sem hafa lakastan rétt. Við
þurfum nú að leggja mat á það hvort við
viljum fara í harðan slag um þetta við
framlenginguna eða taka þann slag við
næstu kjarasamninga, segir Sigurður
Bessason, formaður Eflingar. Það er
mikil óvissa í spilunum, bætir hann við.
Mikil fundahöld hafa staðið yfir að undan-
förnu, bæði í stjórn Eflingar, félögum Flóa-
Mikil óvissa í spilunum
bandalagsins og þá hefur samninganefnd
Flóafélaganna komið saman og rætt stöðuna.
Að sögn formanns Eflingar hafa menn farið
yfir ýmsa möguleika en ljóst er að atvinnurek-
endur eru ekki á þessari stundu reiðubúnir
til að opna samningana til frekari hækkana.
Eitt þeirra atriða sem myndi laga stöðuna
gagnvart þeim sem lakast standa er að hækka
tekjutrygginguna, segir Sigurður.
En við höfum þetta val að freista þess að ná
meiru fram en ef það þýðir það að við segjum
upp samningnum, þá mun það að mínu viti
taka nokkra mánuði að ná saman aftur og
þetta verðum við að vega og meta. Staða fyrir-
tækjanna innan okkar geira er mjög misjöfn
og það hjálpar okkur ekki. Þau fyrirtæki
sem eru í útflutningsgeiranum, búa við góða
afkomu og geta vel gert betur við sitt fólk en
síðan eru það önnur fyrirtæki hér á innan-
landsmarkaði og allur opinberi geirinn hjá
sveitarfélögum og ríkinu sem bera sig mjög
illa eftir hrunið og ég ætla ekki að gera lítið úr
því, segir hann.
Aðalatriðið er að stjórnvöld hafa brugðist í
því að skapa hér atvinnu með uppbyggingu
á atvinnusviðinu. Það er góðra gjalda vert að
reyna með átaksverkefnum að hjálpa atvinnu-
leitendum eins og nú er verið að gera með
VIRKNI 2013 þar sem við stöndum frammi
fyrir alvarlegum vanda langtímaatvinnulausra.
En þetta leysir ekki vanda atvinnumálanna til
framtíðar. Við þurfum hagvöxt og uppbygg-
ingu til framtíðar og þar eru stjórnvöld að
bregðast okkur, segir Sigurður Bessason.
En það er einnig alvarlegt að stjórnvöld hafa
líka svikið gerða samninga varðandi hækkun
til atvinnulausra, almannatrygginga og síðan
fordæmum við skattlagningu lífeyrisréttinda
okkar. Krafan um afnám þeirrar lagasetningar
er forgangsmál að mínu mati, segir hann að
lokum.
-
segir formaður Eflingar
Verða kjarasamningar framlengdir?
Desemberuppbót 2012
SAMTÖK ATVINNULÍFSINS - ALMENNUR VINNUMARKAÐUR:
kr. 50.500 Sjá nánar í kjarasamningi aðila.
RÍKI, HJÚKRUNARHEIMILI OG SJÁLFSEIGNARSTOFNANIR:
kr. 50.500 Sjá nánar í kjarasamningum aðila.
REYKJAVÍKURBORG:
kr. 56.000. Starfsmenn sem eru við störf þann 1. febrúar 2012 fá greidda sérstaka
eingreiðslu 25.000 kr. miðað við fullt starf. Sjá nánar í kjarasamningi aðila.
KÓPAVOGUR, SELTJARNARNES, MOSFELLSFÆR, HVERAGERÐI OG ÖLFUS:
kr. 78.200. Starfsmenn sem eru við störf þann
1.
febrúar 2012 fá greidda sérstaka eingreiðslu 25.000 kr. miðað við fullt starf. Sjá nánar í kjarasamningi
aðila.