Kylfingur 2019
74 I KYLFINGUR I Áfram verður hægt að nýta frí stundastyrk sveitarfélaga við greiðslu 6–18 ára á komandi ári og verður gjaldskrá þess aldurshóps þessi: Heilsársæfingar, kr. 46.200 Hálfsársæfingar, kr. 26.775 Sumaræfingar, kr. 17.010 Á árinu varð 1% aukning í leiknum hringjum á völlum GR frá fyrra ári og má það gott vera miðað við veðurfar. Áberandi mikil aukning varð í leiknum hringjum á 9 holum Korpunnar: Korpa 9 holur – 33.938 hringir samanborið við 29.826 á árinu 2017. Korpa 18 holur – 31.044 hringir samanborið við 30.187 á árinu 2017. Grafarholt – 28.280 hringir samanborið við 32.780 á árinu 2017. Fækkun var í leiknum hringjum á vinavöllum félagsins en ætla má að veðurfar hafi spilað þar stóran þátt og kylfingar heldur sótt í heimahagana af þeim ástæðum. Formaður félagsins fór yfir helstu atriði í stefnu GR og að unnið verði áfram að þeim atriðum sem stefnt hefur verið að og má þar helst nefna þetta: Heilsárstaðstaða til golfiðkunar. Golfvellir félagsins verði endur nýjaðir. Móta- og félagsstarf hjá GR miði að því að bjóða upp á eitthvað fyrir alla. GR-bragur einkennist af „klúbba stemmningu“. Þjónusta við félagsmenn sé til fyrirmyndar. Þessi atriði voru niðurstaða þeirrar stefnumótunarvinnu sem átti sér stað hjá klúbbnum á árinu 2017 og er markmið stjórnar að framfylgja þeim. Golfklúbbur Reykjavíkur þakkar Ólafi Arinbirni fundarstjóra fyrir faglega og góða fundarstjórn og félagsmönnum fyrir sína þátttöku. Stjórn, framkvæmdarstjóri og starfs fólk klúbbsins þakkar félagsmönnum fyrir gott starfsár. Ragnar Baldursson gaf ekki kost á sér eftir 11 ára stjórnarsetu og var hann kvaddur með blómum og góðum kveðjum. LIÐAKEPPNI GR Liðakeppni GR stóð yfir frá því í upphafi sumarsins og lauk með úrslitaleik föstudaginn 6. september. Umfang keppninnar hefur aukist frá ári til árs og nú hófu 20 lið keppni. Keppt var í fjórum riðlum, með fimm liðum hver riðli, þar sem öll liðin mættust inn byrðis í hverjum riðli. Tvö efstu lið í hverjum riðli komust áfram í útsláttarkeppni. Þessi átta lið léku síðan í útsláttarkeppni. Í undanúrslit komust liðin naloH (Lói), Minkurinn, Nafnlausa golf félagið og Fore B. Til úrslita í ár léku Fore B og naloH. Úrslitaleikurinn var jafn og spennandi og lauk með sigri naloH sem fékk fjóra vinninga á móti þremur vinningum Fore B. Við óskum liðameisturum GR 2019 til hamingju með titilinn! naloH liðameistari Kristján Ólafsson fyrirliði tekur við sigurverðlaununum fyrir hönd naloH.
Made with FlippingBook
RkJQdWJsaXNoZXIy NjgxMQ==