Kylfingur 2020

Flaggstöng (Covid-19 frávik). Óheimilt er að snerta flaggstöngina eða fjarlægja hana úr holunni. Ef flaggstöngin er snert fyrir slysni er það vítalaust. Bolti í holu (Covid-19 frávik). Við þær aðstæður þar sem holan er fóðruð að innan, t.d. með svamphólk, og boltinn er í holunni, en ekki allur undir yfirborði flatarinnar þá er hann í holu. Meiri líkur en minni eru að hann hvíli upp við flaggstöngina og þá gildir regla 13.2c. Þetta tókst mjög vel til og almennt náðu kylfingar að leika 18 holu golf­ hring á um 4 klukkustundum þó að ræst væri út á 9 mínútna fresti. Með þessari aðgerð bættust við 10 holl á dag á hverjum velli félagsins – Grafar­ holti, Korpu 18 holur og Korpu 9 holur. Þetta þýddi aukið framboð rástíma fyrir 120 manns á hverjum degi eða alls 840 manns á viku. Í klúbbnum okkar, þar sem allir rástímar eru meira og minna fráteknir allan daginn, mun­ aði miklu um þetta fyrir félagmenn. Góð aðsókn var í opin mót sem haldin voru á völlum GR í sumar og innanfélagsmótin sömuleiðis. Flest fyrirtæki héldu að sér höndum og fóru sparlega með auglýsingfé og voru fyrir­ tækjamót þar af leiðandi talsvert færri á fordæmalausa árinu heldur en á venjulegu ári. Þetta hafði tekjumissi í för með sér fyrir klúbbinn en jafnframt fleiri rástíma fyrir hinn almenna kylf­ ing. Á tímum þar sem sundlaugar og lík­ amsræktarstöðvar hafa verið mikið lokaðar, afþreying eins og leikhús, kvik­ myndahús, íþróttaviðburðir og margt fleira hefur ekki verið í boði eða með miklum takmörkunum hefur kylfingum fundist gott að komast í golf. Þar kemst fólk í reglulega hreyfingu, nær að slaka á og leika sér í góðum félagsskap við aðra. Golf er nefnilega íþrótt sem hægt er að stunda nokkuð auðveldlega án þess að mikil hætta sé á smiti, svo framarlega sem fólk fari að settum sóttvarnarreglum. Það er alveg klárt mál að golfið hefur reynst mörgum vel á þessu fordæma­ lausa ári og verið ákaflega nærandi fyrir bæði líkama og sál. Mynd: Tryggvi Rúnarsson 2018