Aldarspegill - Samtal við Guðmund Hannesson

24 12. mynd. Áhrif Guðmundar í skipulagi Vesturbæjar Reykjavíkur . Í þessu hverfi koma fram mörg skýr einkenni sem Guðmundur fjallar um og leggur áherslu á í riti sínu. Nefna má götu- reiti af hentugri stærð, sveigðar götur, parhús og randbyggð fjölbýlishús. Einnig suðurgarða, þannig að hús sunnan götu standa upp við götu, en hús norðan götu eru með forgarði til suðurs, götumegin. Þarna má einnig sjá myndarlega byggingu, hjúkrunarheimilið Grund, sem lokar sjónlínu eftir Blómvallagötu. Stórir bakgarðar nýtast sem leik- og útivistarsvæði og til ræktunar. Ákveðin straumhvörf verða með uppbyggingu fyrstu eiginlegu úthverf­ anna, en Breiðholt I (Bakkar, Stekkir) og Árbæjarhverfi í Reykjavík má væntanlega telja til þeirra. Þar er módernisminn í skipulagslegu tilliti í al­ gleymingi. Unnið er út frá hugmynd um hverfisheild en horfið frá hefð­ bundnu borgarskipulagi í mörgum grundvallaratriðum og þess í stað má segja að leiðarhnoðið sé aðskilnaður. Gatnakerfi er flokkað eftir hlutverki gatna með íbúðargötum sem botnlangagötum. Umferðarleiðir akandi og gangandi eru skildar að. Húsagerðir fara eftir hverfishlutum – einbýlishús, raðhús og blokkir. Íbúðarbyggð er aðskilin frá atvinnuhúsnæði, en þó er á grundvelli hugmyndar um að skapa hverfiseiningu gert ráð fyrir litlum þjónustukjarna í miðju hverfinu, ásamt grunn- og leikskóla, en að megin­ þjónusta og atvinna sé sótt út fyrir hverfið. Skipulag Breiðholts I er skilgetið afkvæmi ráðandi skipulagskenninga á 7. áratugnum og má sjá skýr merki um áþekkar áherslur í úthverfum á öðrumNorðurlöndum á þessum tíma. 50 Þar eru áhrif frá Guðmundi Hannessyni og fyrstu skipulagsnefndinni varla greinanleg. 13. mynd. Módernisminn tekur yfir, skipulag Breiðholts I .