Aldarspegill - Samtal við Guðmund Hannesson
51 ekki undan að svara húsnæðisþörf. Við þetta bættist að heimilum fjölgaði hlutfallslega umfram mannfjölgun, þar sem færri voru í heimili en áður. Húsnæðiseklan jókst sérstaklega eftir 1908 þegar fjármálakreppa skall á og þröngt varð um lánsfé. 3 Í lok 19. aldar og upphafi þeirrar 20. þurftu fátækir að treysta á aðstoð ættingja eða framfærslu frá sveitarfélaginu þegar annað þraut. Þótt stofnað hefði verið til styrktarsjóða aldraðra og sjúkra þegar árið 1890, með lögbundinni greiðsluþátttöku launþega, varð ekki veruleg breyting á velferðarkerfinu fyrr en með lögum um alþýðutryggingar árið 1936. 4 Vaxandi þéttbýlismyndun fylgdu ýmsar breytingar, meðal annars aukin stéttarvitund og réttindabarátta launafólks. Liður í þeirri baráttu var að fá laun greidd í peningum en ekki úttekt hjá atvinnurekanda og eftir margra ára baráttu voru lög um peningagreiðslu launa sett 1902. 5 Atvinna var sæmileg í þéttbýlinu í upphafi 20. aldar en þó bjó verkafólk við ótrygga og stopula atvinnu. Á sama tíma vænkaðist hagur stóratvinnurekenda og útgerðarmanna. 6 Fyrri heimsstyrjöldin hafði mikil áhrif á kjör fólks, hagur alþýðu versnaði oghúsnæðisskortur varð enn alvarlegri í mesta þéttbýlinu, Reykjavík. Í framhaldinu fór bæjarstjórn Reykjavíkur að huga meira að atvinnu- og húsnæðismálum. Árið 1916 voru margar fjölskyldur hús næðislausar í Reykjavík en snemma árs keypti bærinn fjölbýlishúsið Bjarnaborg við Hverfisgötu til að hýsa fátækt fólk. Mun það vera upphaf félagslegs húsnæðis í Reykjavík. Þá var ákveðið að setja á stofn húsnæðis skrifstofu semmeðal annars vann að því að finna húsnæði og gera íbúðar hæft. Það dugði þó ekki til og um haustið sama ár var hafist handa við að byggja bráðabirgðaskýli, Suðurpól, við Laufásveg. 7 Í porti við Suðurpól í Reykjavík. Húsin voru reist sem bráðabirgðaskýli til að svara húsnæðis skorti í bænum árið 1916. Útikamrar í miðju porti. Búið var í húsunum langt fram eftir öldinni.
Made with FlippingBook
RkJQdWJsaXNoZXIy NjgxMQ==