4
F R É T T A B L A Ð E F L I N G A R - S T É T T A R F É L A G S
Kjarasamningar
Vetrarsólstöðusamningar
Þetta eru fyrst og fremst skammtíma-
samningar sem veita okkur viðspyrnu
í því að ná kaupmætti með sérstökum
launahækkunum taxtakerfisins. Við
náum með þessum samningi að verja
lægri launin og tekjutrygginguna sem
hefur á síðari árum reynst launalægra
fólkinu í stéttarfélögunum okkar besta
vörnin í óstöðugu efnahagsumhverfi.
Það er líka mjög mikilvægt að ef þessir
kjarasamningar verða samþykktir, þá
getum við strax á grundvelli þeirra
hafið vinnu við samninga ýmissa hópa
í félögunum. Fleiri krónur í vasann
tímabundið skila litlu ef viðvarandi
verðbólga eyðileggur jafnóðum kaup-
mátt og hækkar lánin okkar. Þetta segir
Sigurður Bessason, formaður Eflingar
sem jafnframt er formaður samninga-
nefndar Flóafélaganna. Hann segir
það vonbrigði hve stjórnvöld höfðu
lítinn vilja til að koma til móts við ASÍ
um meiri breytingar í skattamálum til
þeirra sem lægri tekjur hafa. En við
teljum að ekki hafi verið hægt að ná
lengra án átaka og við mælum með
samþykkt þessa samnings, þó við hefð-
um kosið að ná meiri árangri.
Allt frá síðastliðnum vetri hafa félagsmenn
innan Eflingar verið að móta kröfugerð fyrir
komandi kjarasamninga. Þetta hefur verið
gert með tveimur viðhorfskönnunum, ásamt
því að við héldum fjölmennan fund trún-
aðarmanna í Flóafélögunum í vor þar sem
meginlínurnar voru endanlega lagðar, segir
Sigurður.
Allir verða að bera ábyrgð – ekki bara við
Kröfurnar voru skýrar af hálfu félagsmanna. Að
hér yrðu allir aðilar að koma að því að skapa
stöðugleika, lækka verðbólgu, auka kaupmátt
og lækka skatta ásamt því að hækka sérstak-
lega lægri laun. Það verða allir að taka þátt í
þessu verkefni, launafólk, atvinnurekendur,
stjórnvöld og fyrirtæki sem hafa mikil áhrif á
verð vöru og þjónustu. Það er ekki bara launa-
fólkið sem á að taka á sig ábyrgð. Ljóst var á
framsetningu krafna að félagsmenn eru orðnir
langþreyttir á að sjá allar launbreytingar hverfa
í verðbólgu þar sem kostnaðarhækkunum
hefur verið velt yfir í verðlagið með neikvæð-
um áhrifum verðbólgu á skuldir heimilanna í
formi lána eða leiguverðs á markaði.
Nýgerðir kjarasamningar hafa ekki gengið
þrautalaust fyrir sig. Í tvígang var formlegum
viðræðum slitið þar sem allt of mikið bar í
milli. Lengst af voru atvinnurekendur fastir í
2% launahækkun sem var ígildi 4.400 króna
hækkunar á lægstu laun. Það sem verra var að
þeir höfnuðu því alfarið að semja um krónu-
töluhækkun launa. Töldu þeir að krónutölu-
hækkun lægri launa myndi leiða til launaskriðs
á markaði. Það að ná fram umframhækkunum
fyrir þá sem lægri laun hafa er mikilvægasti
árangurinn.
Yfirgnæfandi meirihluti samninganefndar
samþykkti drögin
Áður en lokalotan við samningsgerðina hófst
var boðað til fundar með sólarhringsfyrirvara
með stóru samninganefnd Flóafélaganna sem
samanstendur af trúnaðarmönnum Eflingar,
Hlífar og Verkalýðs - og sjómannafélags Kefla-
víkur.
Þar voru megin línur samningsins kynntar
ásamt því að leitað var heimildar samninga-
nefndarinnar að vinna áfram að gerð kjara-
samnings á þeim forsendum sem þá lágu fyrir
og senda þá í atkvæðagreiðslu til félagsmanna
- segir Sigurður Bessason, formaður samninganefndar
Ljóst var á framsetningu krafna
að félagsmenn eru orðnir langþreyttir
á að sjá allar launbreytingar hverfa
í verðbólgu þar sem kostnaðar-
hækkunum hefur verið velt yfir í verð-
lagið með neikvæðum áhrifum
á skuldir heimilanna
Náðum ekki lengra
án átaka
