Kjarasamningar
5
F R É T T A B L A Ð E F L I N G A R - S T É T T A R F É L A G S
Jafnframt köllum við eftir samvinnu
um stór verkefni eins endurreisn alls
húsnæðiskerfisins bæði á kaup- og
leigumarkaði.
í framhaldinu. Heimildin var veitt með yfir-
gnæfandi meirihluta atkvæða.
Sveitarfélögin féllu frá hækkunum
Á meðan á samningaviðræðunum stóð voru
stóru sveitarfélögin að ganga frá fjárhags-
áætlunum sínum þar sem búið var að ákveða
verulegar hækkanir um n.k. áramót. Að kröfu
stéttarfélaganna voru þessar hækkanir dregnar
til baka til þess að styðja við gerð kjarasamning-
anna. Sigurður telur að þessi ákvörðun Reykja-
víkur og stærstu sveitarfélaganna hafi skipt
sköpum í framvindu samninganna. Viðræður
við ríkisstjórnina gengu hinsvegar ekki jafn vel
að hans mati. Þar voru ágreiningsefnin mun
stærri og erfiðari við að eiga. Sérstaklega erum
við ósátt við að ekki var reynt að mæta allra
lægst launaða hópnum varðandi skattalækk-
anir. Jafnframt hefði ríkisstjórnin mátt vera
mun ákveðnari í svörum varðandi það að draga
hækkanir á þjónustugjöldum til baka.
Aðfarasamningur til að ná stöðugleika – of
hátt atvinnuleysi
Þessi kjarasamningur sem gerður hefur verið
og fer nú í atkvæðagreiðslu er hugsaður sem
aðfarasamningur til þess að ná hér meiri stöð-
ugleika með lækkandi verðbólgu. Samhliða
honum var gerð viðræðuáætlun sem stendur
til jafnlangs tíma og samningurinn en þar
eru settir niður áfangar til skoðunar. Áætl-
unin innifelur m.a. hvort launþróunin sé með
sambærilegum hætti hjá öllum, þróun gengis-
mála, peningamála, losun hafta, þróunar
atvinnumála o.fl. Öll þessi atriði skipta okkur
miklu máli í ljósi þess mikla atvinnuleysis sem
við höfum mátt búa við allt frá 2008. Enn í
dag er atvinnuleysið innan félagsins alltof hátt
eða yfir 7%.
Framvindan ekki sjálfgefin
Það er ekki sjálfgefið að forsendur þessa
kjarasamnings gangi upp. Til þess þurfa
margir þættir að koma fram. Það eru margir
óvissuþættir, bæði í efnahagslífinu og stjórn
málum. Þetta er aðfarasamningur sem gerir
kröfur á alla sem að málinu koma, ekki bara á
þá sem undirrita samninginn heldur líka fjölda
annarra aðila í samfélaginu s.s. peningamála-
stofnanir, sveitarfélög, ríkisvaldið og stofn-
anir sem nú verða að halda aftur af kostnað-
arhækkunum. Það er ljóst að með þessum
samningi erum við að fara nýja leið þar sem
við tökumst á við það erfiða verkefni að byggja
hér upp stöðugleika til framtíðar. Við erum
að fara inn á leið þar sem við gerum kröfur
til ríkisstjórnar, sveitarfélaga og atvinnulífsins
um að þessir aðilar haldi aftur af sér varðandi
allar verðlagshækkanir. Jafnframt köllum við
eftir samvinnu um stór verkefni eins og endur-
reisn alls húsnæðiskerfisins bæði á kaup- og
leigumarkaði.
Að þessu sinni varð ekki náð lengra án átaka.
Samningurinn liggur nú fyrir með kostum
sínum og göllum.
Á endanum er það atkvæði þitt ágæti félagi
sem ræður hvort samningurinn verður
samþykktur eða ekki, sagði Sigurður að
lokum.
Dýrkeypt þrákelkni fyrirtækis
16.000 kr. sem urðu að
tæpum 400.000 kr.
Það getur verið dýrt fyrir fyrirtæki að
reyna að smeygja sér framhjá kjara-
samningum eins og nýlegt dæmi úr
Héraðsdómi Reykjavíkur ber með sér.
Héraðsdómur kvað nýlega upp dóm
í máli félagsmanns Eflingar vegna
starfa hans hjá fyrirtækinu Lambhaga.
Málið var sérstakt fyrir þær sakir hvað
dómkrafan var lág og hefði mátt telja
það skynsemi að reiða fram þessa
smáupphæð til að standa skil á rétt-
mætri launagreiðslu og losna við málið.
En fyrirtækið ákvað að gera það ekki og
sat í lokin uppi með kostnað sem nálg-
ast um 400 þúsund krónur en dómkraf-
an í málinu laut að greiðslu vangoldinna
launa að fjárhæð ríflega 16.000 kr. og
er þá ótalinn kostnaður fyrirtækisins af
vinnu eigin lögmanns.
Atvik voru með þeim hætti að félagsmaður-
inn réðst til starfa hjá fyrirtækinu, fór m.a.
í sendiferðir með framleiðsluvörur fyrir-
tækisins, en til stóð að hann myndi sinna
útkeyrslustörfum. Þegar liðið var inn á annan
vinnudag var félagsmanninum sagt upp störf-
um og gert að yfirgefa vinnustaðinn.
Þar sem ekkert bólaði á greiðslu fyrir vinnuna,
leitaði félagsmaðurinn til Eflingar, sem setti
fram kröfu um ríflega 16.000 kr. greiðslu
á hendur fyrirtækinu fyrir unnar stundir.
Þrátt fyrir ítrekaðar óskir Eflingar, neitaði
fyrirtækið greiðsluskyldu og bar því m.a. við
að viðkomandi hefði aldrei verið ráðinn til
fyrirtækisins og að líta yrði á viðveru hans
á vinnustaðnum sem hluta af atvinnuviðtali
eða prufu.
Til lúkningar málinu setti fyrirtækið fram
„rausnarlegt“ boð um 5.000 kr. greiðslu, sem
var hafnað og var málinu stefnt fyrir dóm.
Málið gekk til aðalmeðferðar með tilheyrandi
skýrslutökum. Skemmst er frá því að segja
að héraðsdómur hafnaði málatilbúnaði fyrir-
tækisins og dæmdi það til greiðslu umkraf-
innar fjárhæðar, auk dráttarvaxta og 350.000
kr. í málskostnað. Þegar upp var staðið hafði
krafan þannig að meðtöldum kostnaði ríflega
tuttugufaldast fyrir þrákelkni fyrirtækisins og
er þá ótalinn kostnaður fyrirtækisins af vinnu
eigin lögmanns.
